رواية بيوت النار(قصه عاهرة)باللهجه العراقيه - 12 الاخير

[حـكـايات زوج مـعاصـر]

صارلهم يومين رجعو للمزرعه ....مرتاحه نفسيا ...ماكو مشاكل ماكو كلام زايد ولا عرايك ...نجيبه فرحت من شافتهه خاصه من شافتهه حامل وبطنها مبينه ....
جنيد يوم يمها ويوم بذاك البيت ومرات هم يجي يمها تعرفه متعارك متسال ابد ولا تجيب طاري ذاك البيت وهالشي مريح جنيد لان تعبان من مشاكل اطياف ....
احلى شي حرس وسجن ماكو ..كم مرة طلعت ويه نجيبه للسوك وبلشت تشتري ملابس اطفال لابنها ....ومرات هي وجنيد يطلعون سوة يونسها يغيرلها جو ويرجعون..تحس براحه مو طبيعيه ويا ...رغم تفكر دائما باهلها وشلون رشا قتلتهم ....وهالشي الوحيد الي مأذيها .....





جانت نايمه الظهر حست بمغص خلاهه تحس من نومتها كامت كعدت وهي تمسد بطنها :-شبيك امي ليش اليوم مو على بعضك ....كامت نزلت جوة وكعدت برا بالحديقه .....كل الصار وياهه بالسنتين الراحن لو جاي احد وحاجيلها عنه جان طكتها بضحكه ...وين جانت وين صارت شلون تغيرت حياتها......رغم شافت عذاب بس جان احسن تغيير مر عليها صح محد متقبلها من المجتمع بس اهم شي راضيه عن نفسها .....ثقه جنيد بيها جانت الداعم الوحيد الي مصبرها ......




ماحست غير ايد تلزمها من ورا وتحط قطعه قماش على خشمها بلشت تقاوم بس وراهه حست جسمها كله خدر وصار ظلام .......





جنيد خلص شغله وطلع رايح لذهب مشتاقلها ....حاليا مرتاح جان غلط انو يودي ذهب لبيت الجبير اذوها هوايه والمشاكل الصارت ...بس هسه كولشي تمام بالنسبه اله وذهب مرتاحه وهو مرتاح ... ....وصل للبيت كل مرة تطلعله للحوش من يجي هلمرة ماكو ....يعرفها تنام هوايه من صارت حامل ... دك الباب ماكو جواب طلع المفتاح ودخل .... لكه نجيبه واكعه بالكاع ومغمى عليها ...راح عليها ركض دنك عليها يضرب وجهها ... ست نجيبه ...ست نجيبه انتي بخير .... باوع ناحيه الدرج وصاح :-ذذهبب
ذهب وينج نزلي ست نجيبه متخربطه .... نجيبه بدت تفتح وهي تون وفتحت عيونها بكل قوتها ولزمت جنيد من ايده:-استاذ جنيد اخذوها ...اخذو الست ذهب اخذوها بلكوة .... هنا جنيد حس نفسه بحلم وكولشي مديفتهم كبل عالسريع صعد للغرفه مثل الطلقه ....مالكاهه نزل بسرعه وهو يصيح :-وينها منووو اخذها منو وين ذهب ...جانت كاعدة بالكاع وكامت تبجي :-استاذ طبو علينه ملثمين لزموني وراحو على ذهب جانت بالحديقه ورا شويه جانو شايلينها وهي غايبه عن وعيها وراهه حطو على وجهي القماش واني هم مادري شصار بيه دخت وكعت ....





طلع عالسريع بالسيارة ودك على اكثر انسان عندة ثقه بي ....
حسن:-الوووو ابو الشباب توك ببالي ...
جنيد بصياح:-ولك حسنننن خطفو ذهب من البيت اخذووو مرتي اخذوهاااااا لازم الكاهه قبل لا ياذوها حسن ذهب حامل ...اذا اذوها شسوي ...
حسن كام على حيله:-يمعود اهدا خل افتهم شكو ...
جنيد بصياح وهو يضرب الستيرن كدامه:-شفهمك اكولك خطفووو ذهب خطفوووها .....







قلق خوف ياكل كلبه منو الي يخطفها منو...معقوله رشا ...غسان ....لو ايهم ايهم جبان ميسويها .....خايف عليها ...يأذوها ...يسوولها شي... وهي حامل وضعيفه..... تندم لان شال الحراسه ...شال الحراسه علمودها لان تضوج حب يشوفها هو عندة ثقه بيها محاجه للحرس قبل جان يخاف تهرب ضرب راسه ويصيح:-غبي ...غبي...غبي ...



فتحت عيونها متعرف هي وين ...الدنيا تفتر بيها ...ايديها مربوطه ورجليها هم .... نايمه بالكاع على فراش ....حست بطنها متحجرة من الخوف ... باوعت حواليها ظلمه بس شباك صغير عالي يجي منه ضوة شمعه من برا
صاحت بضعف:-اكوو احدد هناااا ساعدوني منو انتو .....ماكو جواب ..
حلكها ناشف ميته عطش ...بلعت ريكها ومررت لسانهه على شفتها حتى ترطبها شويه :- طلعووونيييي مناااااااا ..اكو احد يسمعني ....
سمعت صوت قفل ينفتح والباب انفتح ....اجه من ضوة قوي خلاهه تغمض عيونها بقوة .... فتحت على كيفها جان واكف كدامهه رجال بس متشوفه لان ضوة من ورا تشوفه اسود .... ذهب بضعف وخوف :-منو انت ...منوو طلعني منا ...
ضحك بصوت عالي وهو يفتح الضوة خلاهه تشهك وتفتح عيونها بكل قوتها برعب :- فف...فراتت ......
اقترب منها وكعد بالكاع كدامهه وهو يوخر شعرها عن وجهها:-اي فرات .. فرات الي صارله سنتين يدور عليج ...فرات الي مات بحبج وانتي مو مهتمه فرات الي يتمنى يطخج وانتي رافضته وكارهته ...وانوب حاامل ذهب ...متزوجه وحامل ...شنو انطاج واتزوجتي ...جنت مستعد اخليج ملكه اتزوجج واعيشج ملكه بس انتي جنتي ترفضين ليييش ودفعها من راسهه على فراش ....
ذهب وهي تبجي:-الله يخليك لا تاذيني اني حامل الطفل ماله علاقه فرات اتركني الله يخليك اني متزوجه وراح يصير عندي طفل خلوني اعيش حياة طبيعيه ماريد شي الله يخليك ....
جرها من شعرها وهو يهمس يم اذنها :-اسلمج للموت وما اسلمج اله ...
ذهب بضعف:-فرات الله يخليك ... اني تعبانه الله يخليك بس فك ايدي ..


فرات عندة هوس اسمه ذهب ...جان متخبل عليها اول مشافهه بالملهى تركص يركض وراهه مثل العاشق المجنون وهي تصدة ..حاول وياهه بكل الطرق ...مكدرلها ابد ...يحبها...يعشقها...مهووس بيها جان يحس بشي مخيف اتجاهه ...وذهب تعرف حبه الها ..وقررت تستغل هالشي مضطرة حتى لا ياذيها ...مخايفه على نفسها ..بس خايفه عالروح الي ببطنها ...
باوعتله بعيونها المدمعه وهمستله:-فرات اذا تحبني وتريد احبك واعيش وياك فك ايدي الله يخليك اني تعبانه وبطني دتوجعني ... تريد يصيرلي شي واموت ...
فرات:-لا ماريد يطخج الهوة...
ذهب:-لعد فك ايدي والله ماسوي شي انت اصلا حابسني بالغرفه ماكدر اسوي شي ....
باوعلهه بتفكير وكام وفتح ايديها ... ورجليها ...شوفي راح تظلين يمي ... ولا تحاولين تهربين مراح تكدرين ... فركت ايديها توجعها من الحبل وعدلت نفسها وحطت ايدها على بطنها :- اصلا ماكدر اتحرك مدتشوف حالتي ...
طلع وقفل الباب عليها ... ظلت تدعي وتبجي ياربي طلعني من هالورطه يارب جنيد يلكاني ...جانت خايفه ومرعوبه ودايخه ...مماكله من زمان والخوف ..حست بجوع وعطش وتعب ونامت بدون متحس على نفسها ...