رواية بيوت النار(قصه عاهرة)باللهجه العراقيه - 8

[حـكـايات زوج مـعاصـر]

غسان مختفي من يوم الي عرف جنيد هو مساعد ذهب واطياف جانت تعيش برعب لان غسان تواصل وياهه وكال الهه جنيد عرف مكان ذهب وعرف هو مساعدها ورجعها اذا عرف هي متفقه ويه غسان نهايتها تكون على ايد جنيد





فتحت عيونها والم راسهه فضيع .... حطت ايدها على كصتها راسهه ملفوف بشاش طبي بلعت ريكها وحاولت تكوم الالم ينبض براسهه وعيونها تذكرت شلون ضربها بدون رحمه تذكرت الكره والغضب الي شافته بعيونه وملامحه
جنيد :-ظلي متمدده لا يغمى عليج مرة ثانيه
باوعت بتجاه الصوت جان كاعد يم الشباك وحاط رجله على طبله كدامه وينفخ بدخان الجكارة ليفوك
ذهب:-عطشانه
اخذ البطل من الطبله كدامه وشمره بصفها عالجربايه اخذته وشربت منه حست نار ونزلت بمعدتها لان فارغه متذكر شوكت اكلت اصلا بس جانت عطشانه وشربت هوايه ورا كم ثانيه كامت عالسريع رغم تخبط خطواتها وطبت للحمام وتقيأت كل المي الشربته وظلت كاعدة بالكاع يم المغسله وماعدهه اي قوة حتى تكوم




اجه يمها ووكفها غسل وجهها وشالهه رجعها للفراش :- نجيبه اجت وجاي تحضرلج اكل واحذرج اذا ما اكلتي مالي خلكج واقترب منها اريد عندج حيل لعقابي ماحب اعاقب مرضى وباسهه بطريقه مستفزة من خدها وطلع




لا تنسوا التصويت ️️️بقلمي رفل حسن





حسن:-شناوي ابن عمي
ساكت ميجاوب بس يدخن كام حسن وجر الجكارة من ايده وذبها بالنفاضه :-ليش ساكت جنيد انت تخبلت
جنيد:-بشنو تريد افكر بمرتي الي صارلي سنه ادور عليها ماعرف وين جانت ويامن لو بصديقي وشريكي الي هو مهربها وطعني بظهري




حسن:-جنيد عووف البنيه بحالهه طلكها وعوفها وهروبها رساله واضحه هي مجانت تريدك عوفها ياخي دمرت حياتك من وراهه




جنيد:-حسن اذا عندك غير موضوع احجي بي بس موضوع ذهب لاااا




حسن:-هسه هي وين شسويتلها ..




جنيد:-بالمزرعه ..ما ذبحتها لتخاف بس ضربتها ....




حسن:-الله يهديك ماكول غيرها ....




ذهب القويه ....الشامخه ...كلمتها وامرها مسموع ... من عرفت جنيد اختفت هسه ذهب المسجونه ....مرت اسابيع شبعت ذل وضرب واهانات وتهديد من جنيد عاملها بابشع اسلوب يسالها كم واحد نامت ويا بتركيا يسالها اذا نامت ويه غسان وهي ساكته ....جان يوميه يذكرها بحياتهه من هي طفله ريتاج الى يومها هذا يذكرها هو اشتراهه بفلوس يذكرها بحياه الليل الجانت عايشتها العذاب النفسي جان اكثر من العذاب الجسدي بالنسبه الهه
تقريبا جانت متحجي اي شي طول الوكت ساكته يمكن السكوت هو احسن شي الهه بوضعها ....صارله يومين ما اجه ولا اذاهه وهالشي ريحها شويه كاعدة بالحديقه الخلفيه بالمرجوحه وساندة راسهه صفح
اجاهه صوت جنيد وهو واكف وراهه وبلش يمرجحها:- شعندج هنا ...
جفلت لمن شافته واشرت براسهه ولا شي ....زاد القوة وصار يدفع المرجوحة اكثر ووكعها منها بالكاع ومالحكت توخر ركعتها المرجوحه بصفحه راسهه واذتها .....ظلت بمكانهه وكامت تبجي مو من الوجع لا من الذل والاهانة الي دتشوفها يوميه منه كامت وكفت ونفضت هدومها واقتربت منه ودموعها تجري :- شوي كولشي يعجبك بس مراح ترتاح صدكني
لزمهه من ايدها وجرها للبيت وصعدها للغرفه وسد الباب ....شمرها على الفراش ونزع سترته :-مدام انتي مرتي اعتقد عندي حق لازم اخذة
بلعت ريكها وهي ترجع ليورة وكلبها يدك سريع ..... بس هو لزمها من رجلها وسحب بجامتها صعد فوك الفراش وصار فوكاهه اقترب منها وهي فاتحه عيونها حيل ....حط وجهه بركبتها وظل ساكت وهي انهارت بذيج اللحظه ودموعها بدت تجري مقهورة من كل الظروف التعيسه الي خلت لقائها بجنيد وزواجهه منه يكون بهالطريقه باسهه بخفه من ركبتها ورفع وجهه باس عيونها ودموعها وهي زادت دموعها تتمنى تكوله هي تحبه ومشتاقتله هوايه تتمنى تعيش ويا حياه طبيعيه
حطت ايدها على خده وهو يبوسه بخفه وايدها الثانيه حاوطت رگبته ... وغمضت عيونها وهي مسلمه نفسها اله بهدوء حط ايده على صفحه وجهها وهو يمرر ابهامه على حاجبهه:-فتحي عيونج لا تغمضين ....
فتحت وهي تباوعله باشتياق ...متكدر تنكر هي مشتاقتله ...هي هم بشر وعدها مشاعر تعرف مشاعرها اله غلط بس مو بيدها هالشي مو بيدها ...
جنيد بنبرة بيها الم:-تعرفين شكد احبج ذهب ....تعرفين شسويت بحياتي وعيلتي من ورا حبج...خسرت هوايه لان حبيتج ...وما اتوب منج ...ماكدر اتوب منج ...انتي خطيئتي الي ماريد غفران عليها ....مشتااقلج هوااايه
ابتسمت بحزن :- وانت الصح والحلال الغلط الي بحياتي وتخيل!!!! نست نفسها بحضنه وما اخفت اشتياقهه اله ولا حبها وتفاعلت ويا بكل لمسه حبت تنسى واقعها ولو لساعات حبت تعيش نفسها بوهم انو حياتهم طبيعيه كأي زوجين يحبون بعض حبت تكذب على نفسها .....







بعد ساعات كان جنيد نايم على ظهره ايد جوة راسه وايد حاضن بيها ذهب الي حاطه راسهه على مكان گلبه وايدها فوك صدره اثنينهم كاعدين وساكتين .... علاقتهم الغريبه الي مابيها شي طبيعي ساعه حب وساعه حرب ساعه كره وساعه عشق ...حضنها اكثر بيده الثانيه وضمها لصدره يخاف تضيع منه مرة ثانيه يخاف يفقدها مرة ثانيه وتروح منه
جانت مترددة بس حجت بصوت ناصي:- من يوم الي صرت مرتك محد لمسني غيرك جنيد والله محد لمسني .....
باس شعرها :- اعرف بهالشي والا مجنتي عايشه ليهسه
غمض عيونه اول مرة يرتاح من فترة حيل طويله...مرتاح لان هي يمه وبحضنه



ثاني يوم الصبح تريكوا سوا صبتله جاي بهدوء جان شعرها ينكط مي وهاديه
جنيد:- نشفي شعرج تتمرضين ....
اشرت براسهه بمعنى اي وكعدت .....باوعلهه متغيرة شكد صايرة هادئه عكس صلافتها وضعفانه هم ...ذهب....
باوعتله :-ها...
جنيد وهو يجر نفس:-ذهب شلون هربج غسان .....
شاف وجهها شلون انخطف وايديها بحضنها تلعب بيهن بتوتر:- ممم
جنيد:-لا تظلين تمتمتين بالكلام .... اذا تحجين مراح آذيج هذا وعد مني بس اذا تظلين ساكته تشوفين شي ميعجبج...
بلعت ريكها وتنفست بعمق وغمضت ورجعت باوعتله :-راح احجيلك ...
بيومها غسان اجه هنا للبيت ماعرف شلون دخل وشلون الحرس خلو يطب خاله نجيبه راحت بيومها ماتذكر ليش طلعت وهو اجه كلي انو هو يكدر يساعدني حتى اطلع منا وحجالي شلون انت وزوجتك واصله بينكم للطلاك واني جنت مجروحه مصار فترة من .....وسكتت....من نزلت الطفل...ومحبوسه مثل الجلب هنا .... وراهه من اتفقنه طلعني بالليل اعتقد جان متفق ويه الحراس واخذني من ورا المزرعه وبوجهي للمطار ...جان مرتبلي كولشي حتى أوراق ثبوتيه وجواز جديد......خافت تكوله مرتك هي شريكه ويا ومجابت طاري ولا راح تجيب طاري


جنيد جان يسمعها وهو يشد على ايده صديقه وصاحبه وشريكه يغدر بي ... ويخدعه سنه كامله هو يضحك بوجهه وهو طاعنه بظهره وفوكاهه سافر واختفى ميكدر يواجه.....فك شراكته ويا واشترى حصته وانطه فلوسه لامه بس جنيد حالف اذا يلكاه بيوم مراح يسكت ابدد على غدرة وخيانته .....
باوع لذهب وحط ظهر ايده على خدها تلمسه برقه :-حظري نفسج الاسبوع الجاي تعيشين بالبيت ويايه .....
صفنت بوجه مافتهمت قصده:-هو اني عايشه ببيتك قابل وين...
جنيد :-لاا بيتي الي بي العائلة يعني والدتي واطياف والجهال .....خلص ماكو داعي اضم كولشي وهم يعرفون اصلا ...انتي مرتي بالشرع وراح تصيرين بالقانون هم وتعيشين بالمكان الي اعيش بي ...مو مراهق اني اجيج هنا عبالك متواعدين
باوعتله بصدمه وهي فاتحه عيونها:-جنيد انت ...انت شتكول مستحيل هالشي محد يقبل ولا راح يقبلون بيه شلون اذا وحدة مثلي اصلها قذر الله يخليك جنيد لا تعيشيني بجحيم .....


جنيد:-الي كلته يتنفذ واني الي اريده يصير ما طالب اذن من احد ولا جاي اطلب موافقتج يلا يحلوة تريكي ...وشرب الجاي ....
ظلت صافنه بوجهه شنو ناوي وليش هيج ديسوي شنو هدفه لجنيد كزبر جسمها خوف وقلق من الايام الجايه