- إنضم
- 24 مايو 2026
- المشاركات
- 2,088
- مستوى التفاعل
- 27
- النقاط
- 133
"هنطلع النهاردة ماشي، وحشاني جدًا"
"ياسين، قولتلك مينفعش اطلع معاك من غير محرم، وقولتلك بلاش تزيد ألفة وترفع كلفة وتفضل تعترفلي كدا، إحنا مش متزوجين عشان تقولي كدا ..!"
"بس أنا هتجوزك، وبطلي تعقيد بقى !"
"لما تتزوجني يبقى قول كدا !"
......
أنا "حياء"، مختمرة والحمد لله، كلية علوم، كنت مخطوبة لواحد هو اسمه"ياسين"، الشخص ده في البداية حاول يكلمني كتير تحت مسمى ''اتعرف عليكِ عشان هتقدملك"
في البداية فتحت الأكونت بتاعي على الفيس لقيت واحد باعتلي كمية مسدجات وكاتب فيها :
"كنتِ جميلة النهاردة بفستانك الأزرق ده، وخمارك الأبيض"
مكنتش عارفة مين ده وهو شافني فين وعارفني منين !
كان كل يوم ألاقيه باعتلي كلام زي ده، عملتله بلوك، لقيت أكونت تاني باسمه باعتلي وبيقولي ''بتعملي بلوك لي !، ممكن اتكلم معاكِ شوية !"
كان كل مرة يبعتلي من الكلام ده وأنا مبردش عليه ومش عارفة اعمل أي !
لقيتي بيقولي ''عايز اقولك حاجة مهمة جدًا عن أخوكي، ممكن تردي !"
مكنتش عارفة اعمل أي !
ارد عليه ولا بلاش !
في الآخر رديت عليه وقولتله :
-نعم في أي !
=أخيرًا رديتي عليا !
-أخويا ماله !
=لا مفيش حاجة خطيرة، كنت بس عايز اتعرف عليكِ عشان هتقدملك !
"مكنتش مرتحاله وكنت مستغربة جدًا من كلامه ده .. يوم بعد يوم بدأنا نتكلم ونتعرف وحبيته واعترفنا لبعض و ..
-هو انت مش هتتقدملي !
=طبعا هتقدملك، بس لما اجهز نفسي وهجيلك.
-بقالك كتير بتقول الكلام ده، هتيجي أمتي يعني !
=حاضر يا حياء، مش كل مرة تقولي الكلام ده وتضايقيني.
-......
"فضلنا نتكلم كتير لحد ما بقينا بنتقابل لدرجة إنه بقى بيمسك ايدي ويقرب مني ..وكنت بفضل أزن عليه عشان يتقدملي لدرجة إنه كان بيقفل بالأيام عشان زني ده، لحد ما جه اليوم اللي اتقدملي فيه، وفعلًا اتخطبنا وبقيت خطيبته رسمي ..بقى بيحصل بينا تجاوزات كتير، وكان بيجبرني اعمل حاجات مش حباها، وكنا بنتكلم بالساعات في كلام مينفعش يتقال، لغاية ما اتخنقت من اللي بعمله، حسيت إني بعمل حاجات غلط، الحاجات دي مترضيش ربنا ... وكنت في يوم خارجة معاه لوحدنا وقابلت واحدة صحبتي اسمها "ياسمين"، كانت صحبتي من أيام الجامعة، وكل اللي في الجامعة عارفين إنها ملتزمة جدًا ولحد دلوقتي لسه ملتزمة، أول ما قابلتها مصدقتش نفسي، بقالنا سنين مشوفناش بعض .."
-السلام عليكم، إزيك يا حياء !
=وعليكم السلام، أخبارك يا ياسمين، عاش من شافك.
-الحمد لله بخير، أخبارك انتِ أي !
=تمام الحمد لله !
شاورتلها على خطيبي وقولتلها :
-ده ياسين ..خطيبي
لقيتها استغربت كدا، وقالت:
-هو مفيش حد معاكوا أخوكي مثلا أو والدك !
=لا مفيش لي !
لقيت ياسين مد أيده عشان يسلم عليها وبيقول :أنا كفاية عليها، أنا ياسين !
بصت لإيده وقالت :مبسلمش !
-لي هو حرام ولا أي !
=آه حرام، الرسول قال ''لأن يطعن في رأس أحدكم بمخيط من حديد خير له من أن يمس امرأة لا تحل له " صححه الألباني، يلا هشوفك بعدين يا حياء عشان عايزاكِ في موضوع مهم، اتفضلي ده رقمي ..
"خدت رقمها وبعد ما مشيت، ياسين بصلي وقالي ''ابعدي عن البنت دي، دي معقدة وهتخليكِ زيها ."
استغربت من كلامه ومردتش عليه ..
أول ما رجعت البيت افتكرت ياسمين، فاتصلت عليها وفضلنا نتكلم وفجأة قالتلي ..
-حياء ..انتِ إزاي خارجة مع خطيبك كدا من غير أي محرم !
=لي هو حرام ولا أي !
-أيوة حرام، خطيبك ده مش حلالك لسه، وزيه زي أي واحد غريب عنك !
=ما هو هيكون زوجي عادي !
-وإيه اللي يضمن إن زواجكم هيتم !
=قصدك أي !
-يا حبيبتي، الخطوبة ما هي إلا وعد للزواج، يعني الزواج ممكن ميحصلش، ممكن الخطوبة تتفسخ وكل واحد يروح لحاله، الخطوبة مش مضمونة وبعدين في ضوابط للخطوبة، وإزاي كان ماسك إيدك كدا !
=عادي وأنا بحبه، وهو محترم وبيحبني
-مفيش حاجة اسمها محترم أو لا، في حاجة اسمها ضوابط خطوبة !
=إيه هي ضوابط الخطوبة دي !
-بصي هبعتلك كتاب تقريه عن كل ما يتعلق بالخطوبة وهل خطيبك ده كويس ولا لأ !
''بعتتلي كتاب وفضلت اقرأ ده، وعرفت اي هي ضوابط الخطوبة وعرفت إن خطيبي مينفعش يكون زوجي، مفيش أي مواصفات للزوج الصالح فيه، كل ما اقوله عن الضوابط يقولي بطلي تعقيد و..."
-هنطلع النهاردة ماشي، وحشاني جدًا
=ياسين، قولتلك مينفعش اطلع معاك من غير محرم، وقولتلك بلاش تزيد ألفة وترفع كلفة وتفضل تعترفلي كدا، إحنا مش متزوجين عـشان تقولي كدا ..!
-بس أنا هتجوزك، وبطلي تعقيد بقى !
=لما تتزوجني يبقى قول كدا !
''كان كل مرة بكلمه في الموضوع ده يقولي "بطلي تعقيد"، اتخنقت منه ومن كلامه معايا لدرجة إني كرهته وبطلت اكلمه، وكرهته جامد ودا لما عرفت إنه كان بيلعب بيا ومكنتش ناوي يتجوزني، ومش أنا أول واحدة كان بيعمل معاها كدا ..لحد ما قولت لبابا إني مش عايزاه ..وفعلاً فسخت الخطوبة وكل واحد راح لحاله، حسيت إن الهم اللي على قلبي خلاص مبقاش موجود، حسيت براحة كبيرة جدًا، واتقرب من ياسمين جدًا وبقينا صحاب جامد، وتوبت من اللي كنت عملته معاه، وبقيت أحسن ..وكنت متأكدة إن ربنا هيكرمني بواحد أحسن منه، وفعلا بعدها بشهر اتقدملي واحدة على خلق ودين وكان اسمه ''حمزة"، وكان ملتزم جدًا بضوابط الخطوبة، وحبيبت أخلاقه جدًا، وبعدها بكام شهر اتجوزنا وكان الزوج الصالح اللي أي واحدة بتتمناه، وفي يوم وأنا فاتحة الفيس لقيت رسالة مبعوتالي مكتوب فيها
''يعني سبتيني واتجوزتي واحد تاني !، وانتِ متخيلة إني هسيبك كدا، لو معملتيش اللي بقولك عليه يبقى تقولي على زواجك يا رحمن يا رحيم !"
ولما شوفت اللي باعت المسدج كان خطيبي القديم، وكان بيهددني إني لو معملتش اللي هو عايزه هيبعت كل الكلام اللي بيني وبينه لجوزي والمكالمات اللي كانت بينا واللي كان بيسجلها هيبعتهاله.
مكنتش عارفة اعمل أي ولا اقول لمين !
كلمت ياسمين وفضلت تتطمني إنه مش هيعمل حاجة، واني توبتي وأكيد جوزي هيتقبل الموضوع ده، سيبك منه،
حاولت اهدى بس معرفش وده أثر على حياتي مع زوجي، لدرجة إنه كان بيسألني كتير ''مالك، متغيرة لي !"
وأنا معرفش اعمل أي !
لدرجة إن خطيبي القديم كان بيهددني مرة إنه خلاص هيبعت وأنا ببكي بشدة وبترجاه ميعملش حاجة، وفضلت ابكي وادعي ربنا كتير، وزوجي دخل عليا وأنا بعيط، وفضل يهدي فيا ويقولي مالك !
بعد ما هديت حكتله على كل حاجة وإني غلطت بس توبت واتغيرت خلاص ...والحمد لله زوجي تقبل الموضوع ده وقالي :
طب اهدي يا حبيبي، كلنا ذنوب بس بنتوب، انتِ توبتي خلاص، أما بالنسبة لخطيبك ده فمتخافيش منه، هاتي هكلمه أنا .."
كلمه على أساس أنا وقاله يبعت الصور، لحد ما بعتها وخطيبي كان مفكر إنه كدا خرب حياتي، بس زوجي كان متقبل الأمر ده، بحمد ربنا إنه رزقني واحد متفهم زيه، وأكيد لو كان واحد غيره كان طلقني، ومن فترة عرفت إن خطيبي القديم عمل حادثة وجالة شلل كُلي ومبقاش عارفة يعمل حاجة،
حمدت ربنا إنه سترني، وبقيت ممنونة لزوجي إنه كان متفهم وحنين معايا .."
معرفش بحكي قصتي لي، بس كنت لازم احكيها يمكن واحدة كانت بتعمل اللي كنت بعمله زمان وتعرف إنها غلط، لازم كل بنت تعرف إن خطيبها مش حلاها، مش عشان بقيتي خطيبته يبقى خلاص كإنه بقى زوجك، ده واحد غريب عنك زيه زي أي واحد في الشارع، وهيفضل كدا لحد ما تكتبوا الكتاب، والله يا بنت الأكرمين ما خُلقتي إلا لتكوني سلعة غالية، ولازم تعرفي إن الخطوبة ما هي إلا وعد بالزواج.
"ياسين، قولتلك مينفعش اطلع معاك من غير محرم، وقولتلك بلاش تزيد ألفة وترفع كلفة وتفضل تعترفلي كدا، إحنا مش متزوجين عشان تقولي كدا ..!"
"بس أنا هتجوزك، وبطلي تعقيد بقى !"
"لما تتزوجني يبقى قول كدا !"
......
أنا "حياء"، مختمرة والحمد لله، كلية علوم، كنت مخطوبة لواحد هو اسمه"ياسين"، الشخص ده في البداية حاول يكلمني كتير تحت مسمى ''اتعرف عليكِ عشان هتقدملك"
في البداية فتحت الأكونت بتاعي على الفيس لقيت واحد باعتلي كمية مسدجات وكاتب فيها :
"كنتِ جميلة النهاردة بفستانك الأزرق ده، وخمارك الأبيض"
مكنتش عارفة مين ده وهو شافني فين وعارفني منين !
كان كل يوم ألاقيه باعتلي كلام زي ده، عملتله بلوك، لقيت أكونت تاني باسمه باعتلي وبيقولي ''بتعملي بلوك لي !، ممكن اتكلم معاكِ شوية !"
كان كل مرة يبعتلي من الكلام ده وأنا مبردش عليه ومش عارفة اعمل أي !
لقيتي بيقولي ''عايز اقولك حاجة مهمة جدًا عن أخوكي، ممكن تردي !"
مكنتش عارفة اعمل أي !
ارد عليه ولا بلاش !
في الآخر رديت عليه وقولتله :
-نعم في أي !
=أخيرًا رديتي عليا !
-أخويا ماله !
=لا مفيش حاجة خطيرة، كنت بس عايز اتعرف عليكِ عشان هتقدملك !
"مكنتش مرتحاله وكنت مستغربة جدًا من كلامه ده .. يوم بعد يوم بدأنا نتكلم ونتعرف وحبيته واعترفنا لبعض و ..
-هو انت مش هتتقدملي !
=طبعا هتقدملك، بس لما اجهز نفسي وهجيلك.
-بقالك كتير بتقول الكلام ده، هتيجي أمتي يعني !
=حاضر يا حياء، مش كل مرة تقولي الكلام ده وتضايقيني.
-......
"فضلنا نتكلم كتير لحد ما بقينا بنتقابل لدرجة إنه بقى بيمسك ايدي ويقرب مني ..وكنت بفضل أزن عليه عشان يتقدملي لدرجة إنه كان بيقفل بالأيام عشان زني ده، لحد ما جه اليوم اللي اتقدملي فيه، وفعلًا اتخطبنا وبقيت خطيبته رسمي ..بقى بيحصل بينا تجاوزات كتير، وكان بيجبرني اعمل حاجات مش حباها، وكنا بنتكلم بالساعات في كلام مينفعش يتقال، لغاية ما اتخنقت من اللي بعمله، حسيت إني بعمل حاجات غلط، الحاجات دي مترضيش ربنا ... وكنت في يوم خارجة معاه لوحدنا وقابلت واحدة صحبتي اسمها "ياسمين"، كانت صحبتي من أيام الجامعة، وكل اللي في الجامعة عارفين إنها ملتزمة جدًا ولحد دلوقتي لسه ملتزمة، أول ما قابلتها مصدقتش نفسي، بقالنا سنين مشوفناش بعض .."
-السلام عليكم، إزيك يا حياء !
=وعليكم السلام، أخبارك يا ياسمين، عاش من شافك.
-الحمد لله بخير، أخبارك انتِ أي !
=تمام الحمد لله !
شاورتلها على خطيبي وقولتلها :
-ده ياسين ..خطيبي
لقيتها استغربت كدا، وقالت:
-هو مفيش حد معاكوا أخوكي مثلا أو والدك !
=لا مفيش لي !
لقيت ياسين مد أيده عشان يسلم عليها وبيقول :أنا كفاية عليها، أنا ياسين !
بصت لإيده وقالت :مبسلمش !
-لي هو حرام ولا أي !
=آه حرام، الرسول قال ''لأن يطعن في رأس أحدكم بمخيط من حديد خير له من أن يمس امرأة لا تحل له " صححه الألباني، يلا هشوفك بعدين يا حياء عشان عايزاكِ في موضوع مهم، اتفضلي ده رقمي ..
"خدت رقمها وبعد ما مشيت، ياسين بصلي وقالي ''ابعدي عن البنت دي، دي معقدة وهتخليكِ زيها ."
استغربت من كلامه ومردتش عليه ..
أول ما رجعت البيت افتكرت ياسمين، فاتصلت عليها وفضلنا نتكلم وفجأة قالتلي ..
-حياء ..انتِ إزاي خارجة مع خطيبك كدا من غير أي محرم !
=لي هو حرام ولا أي !
-أيوة حرام، خطيبك ده مش حلالك لسه، وزيه زي أي واحد غريب عنك !
=ما هو هيكون زوجي عادي !
-وإيه اللي يضمن إن زواجكم هيتم !
=قصدك أي !
-يا حبيبتي، الخطوبة ما هي إلا وعد للزواج، يعني الزواج ممكن ميحصلش، ممكن الخطوبة تتفسخ وكل واحد يروح لحاله، الخطوبة مش مضمونة وبعدين في ضوابط للخطوبة، وإزاي كان ماسك إيدك كدا !
=عادي وأنا بحبه، وهو محترم وبيحبني
-مفيش حاجة اسمها محترم أو لا، في حاجة اسمها ضوابط خطوبة !
=إيه هي ضوابط الخطوبة دي !
-بصي هبعتلك كتاب تقريه عن كل ما يتعلق بالخطوبة وهل خطيبك ده كويس ولا لأ !
''بعتتلي كتاب وفضلت اقرأ ده، وعرفت اي هي ضوابط الخطوبة وعرفت إن خطيبي مينفعش يكون زوجي، مفيش أي مواصفات للزوج الصالح فيه، كل ما اقوله عن الضوابط يقولي بطلي تعقيد و..."
-هنطلع النهاردة ماشي، وحشاني جدًا
=ياسين، قولتلك مينفعش اطلع معاك من غير محرم، وقولتلك بلاش تزيد ألفة وترفع كلفة وتفضل تعترفلي كدا، إحنا مش متزوجين عـشان تقولي كدا ..!
-بس أنا هتجوزك، وبطلي تعقيد بقى !
=لما تتزوجني يبقى قول كدا !
''كان كل مرة بكلمه في الموضوع ده يقولي "بطلي تعقيد"، اتخنقت منه ومن كلامه معايا لدرجة إني كرهته وبطلت اكلمه، وكرهته جامد ودا لما عرفت إنه كان بيلعب بيا ومكنتش ناوي يتجوزني، ومش أنا أول واحدة كان بيعمل معاها كدا ..لحد ما قولت لبابا إني مش عايزاه ..وفعلاً فسخت الخطوبة وكل واحد راح لحاله، حسيت إن الهم اللي على قلبي خلاص مبقاش موجود، حسيت براحة كبيرة جدًا، واتقرب من ياسمين جدًا وبقينا صحاب جامد، وتوبت من اللي كنت عملته معاه، وبقيت أحسن ..وكنت متأكدة إن ربنا هيكرمني بواحد أحسن منه، وفعلا بعدها بشهر اتقدملي واحدة على خلق ودين وكان اسمه ''حمزة"، وكان ملتزم جدًا بضوابط الخطوبة، وحبيبت أخلاقه جدًا، وبعدها بكام شهر اتجوزنا وكان الزوج الصالح اللي أي واحدة بتتمناه، وفي يوم وأنا فاتحة الفيس لقيت رسالة مبعوتالي مكتوب فيها
''يعني سبتيني واتجوزتي واحد تاني !، وانتِ متخيلة إني هسيبك كدا، لو معملتيش اللي بقولك عليه يبقى تقولي على زواجك يا رحمن يا رحيم !"
ولما شوفت اللي باعت المسدج كان خطيبي القديم، وكان بيهددني إني لو معملتش اللي هو عايزه هيبعت كل الكلام اللي بيني وبينه لجوزي والمكالمات اللي كانت بينا واللي كان بيسجلها هيبعتهاله.
مكنتش عارفة اعمل أي ولا اقول لمين !
كلمت ياسمين وفضلت تتطمني إنه مش هيعمل حاجة، واني توبتي وأكيد جوزي هيتقبل الموضوع ده، سيبك منه،
حاولت اهدى بس معرفش وده أثر على حياتي مع زوجي، لدرجة إنه كان بيسألني كتير ''مالك، متغيرة لي !"
وأنا معرفش اعمل أي !
لدرجة إن خطيبي القديم كان بيهددني مرة إنه خلاص هيبعت وأنا ببكي بشدة وبترجاه ميعملش حاجة، وفضلت ابكي وادعي ربنا كتير، وزوجي دخل عليا وأنا بعيط، وفضل يهدي فيا ويقولي مالك !
بعد ما هديت حكتله على كل حاجة وإني غلطت بس توبت واتغيرت خلاص ...والحمد لله زوجي تقبل الموضوع ده وقالي :
طب اهدي يا حبيبي، كلنا ذنوب بس بنتوب، انتِ توبتي خلاص، أما بالنسبة لخطيبك ده فمتخافيش منه، هاتي هكلمه أنا .."
كلمه على أساس أنا وقاله يبعت الصور، لحد ما بعتها وخطيبي كان مفكر إنه كدا خرب حياتي، بس زوجي كان متقبل الأمر ده، بحمد ربنا إنه رزقني واحد متفهم زيه، وأكيد لو كان واحد غيره كان طلقني، ومن فترة عرفت إن خطيبي القديم عمل حادثة وجالة شلل كُلي ومبقاش عارفة يعمل حاجة،
حمدت ربنا إنه سترني، وبقيت ممنونة لزوجي إنه كان متفهم وحنين معايا .."
معرفش بحكي قصتي لي، بس كنت لازم احكيها يمكن واحدة كانت بتعمل اللي كنت بعمله زمان وتعرف إنها غلط، لازم كل بنت تعرف إن خطيبها مش حلاها، مش عشان بقيتي خطيبته يبقى خلاص كإنه بقى زوجك، ده واحد غريب عنك زيه زي أي واحد في الشارع، وهيفضل كدا لحد ما تكتبوا الكتاب، والله يا بنت الأكرمين ما خُلقتي إلا لتكوني سلعة غالية، ولازم تعرفي إن الخطوبة ما هي إلا وعد بالزواج.
