الكاتب الجيد

[ملكة الهيجان]

الكاتب الجيد

الموضوع من وجهة نظرى احب اوجه لاصحاب الحروف العربية فى الكتابة

بعض اعضاء هيجان كتاب من الدرجة الاولى , اللى فى الحقيقة واثق تمام الثقة انه لو اتكتب كتاب من صنع ايديهم سواء روايه او قصة او مؤلفات كتابيه , عندى ثقه تامة بانهم هيلاقوا جماهير قوية وهيحققوا اعلى معدلات القراءة

بس للاسف رغم الكتابة الجيدة للبعض منهم , الا ان فيه بعض الاخطاء اللى بتسبب مشاكل فى سرد الموضوع , واللى من خلالها بيتجه سرد الموضوع الى نوع من الملل والاحباط احيانا , وممكن فى كتير من المواقف بتسبب كمان فصلان تام للقراءه من احد الكتاب الرائعين

مش جى انصح ولا جي اصحح ولا جي اظهر اخطاء الاخرين , بس حابب اعرض بعض الافكار اللى ممكن تناسب القراء فى القراءة واللى اتمناها كاحد هؤلاء القراء فى الكتابات

اولا: اى تطور فى حياتنا هيحتاج مننا ادارة وتنظيم , يعني لما تكتب لازم تعرف ازاى تنظيم مجهودك ووقتك عشان تنتج عمل ابداعى رائع , يعني لازم تهتم بادق التفاصيل عشان تقدر تحافظ على منوال معين من الثقافة والابداع

ثانيا: تنزيل مواضيع كتير والتكلم فى الف موضوع فى وقت واحد , كقارئ بحس ان الموضوع كما لو كان شخص بالف عقل , ودا مينفعش لانك مش بتفكر بالطاقة الكامله لى الف عقل , وممكن متحسش فى كتاباتك بان مقالك او موضوعك او قصتك او رويتك فيهم شئ غلط , ولكن ردودك بيظهر فيها الغلط وانت مش حاسس لما تبتدى تتكلم افكارك هتدخل فى بعض

ثالثا : مينفعش تقطع القصة وتقول دا تشويق وهنعرف ايه اللى هيحصل فيما بعد , انت النهاردة لو هتنزل قصة مسلسله على وقت طويل وبمعدل كل تلت ايام جزء , مينفعش تقطعها لانه كتير تلت ايام , شهرزاد وشهريار كانت القصة بتتقطع عشان كانت شهرزاد عايزه تحافظ على حياتها, بس كان عرض القصة بيستمر فى اليوم اللى بعده , لكن تلت ايام ممكن القارئ يفصل من القراءه وينسى اصل القصة او الرواية

رابعا : من راى فى حالة القصص المستمره اليومية , توضع الاجزاء صغيرة ومسلسله , ويوضع لكل جزء نهاية تشويقية , وفى حالة القصص الكبيره المنقطعه بالايام , يوضع نقطة نهاية ونقطة بداية لكل جزء من الاجزاء , وافضل طريقة لنقطة البداية هى ملخص باحداث الحلقات السابقة , وافضل نهاية للاجزاء هى نقطة درامية هامشية وجزابه وملفته

خامسا : تنظيم الموضوع وتقسيمه بالنقاط , من الاساليب الممتزاه فى جزب القراء , فسلاسة الموضوع وعدم استخدام الاساليب المعقدة فى الكتابة بيسمح للقارئ تخيل الوقائع والالهام عند الكاتب

سادسا : اصحاب القصص الجنسية حياتنا مش كلها سكس , فيه حوارات تانية فى القصه خلال اليوم , مش لازم القصة تشملها السكس من اوله لاخره , كما لو انه الناس دى مش عايشه الا عشان السكس , ودا مش صحيح فلازم تخلى بالكم , وتحسسوا القراء بواقعية القصة وشعور الابطال فيها بمشاعر بعض

فى النهاية اتمنى يعجبكم موضوعى ويكون مفيد لاصحاب الكتابات الرائعة واتمنالكم التوفيق فى كتاباتكم